Cindy telna India team-in Sweden an pan

India hmeichhe U20 team chuan AFC U20 Women's Asian Cup 2026 atana inpuahchah nan thla khat chhung Sweden-ah training an nei dawn. Player 24 awmna Young Tigresses hian Bengaluru-a Padukone-Dravid Centre for Sports Excellence-ah thla khat dawn training an nei tawh a, nimin khan training neihna tur Stockholm an pan.

U20 Asian Cup 2026 hi April thla hian neih a ni dawn a, India hi group C-ah Japan (April 2), Australia (April 5) leh Chinese Taipei (April 8) te nen an awm ho. Inelna hi Thailand-ah neih a ni dawn a, India team head coach hi Joakim Alexandersson a ni.