Thurder-in Spurs an ngam lo

NBA regular season khelh mekah, nimin zing khan Western Conference table-a pahnihna San Antonio Spurs chuan 116-106 in pakhatna Oklahoma City Thunder an hneh a, Victor Wembanyama leh Keldon Johnson an langsar hle.

Frost Bank Center, San Antonio-a inkhelah Spurs tan Wemby-a'n point 22 score-in rebound vawi 14 a la a, Keldon Johnson-a'n point 25 score-in a ni aia score hnem an awm lo a, player pahnihte hi Spurs chakna an ni. Spurs tan De'Aaron Fox an point 15 leh assist 10 a nei a, Fox bakah Stephon Castle (14) leh Carter Bryant (11) ten an Spurs chak nan an thawhhlawk hle.

Champion lai Thunder tan Kenrich Williams (25), Aaron Wiggins (20) leh Jaylin Williams (24) te khel ṭha viau mah se an vanneih zan a ni lo a, a tlawm zawkah an ṭang.

Thunder tan MVP ni lai Shai Gilgeous-Alexander (SGA) chu a dulah hliam a neih avangin a Spurs lakah a inlan thei lo a, kum 27 mi Shai hi OKC match dawt leh paliah a inlan thei dawn lo a, 2026 All Star game-ah pawh a inlan thei dawn lo niin coach Mark Daigneault-a'n a sawi.

OKC hi inhliam vangin an buai mek a, Chet Holmgren, Lu Dort, Isaiah Hartenstein leh Alex Caruso te chu hliam vanga chawl mek an ni a, SGA awm lo tur hi OKC tan channa nasa tak a tling.