World Cup khel turin India an inpeih

T20 World Cup atana inpuahchahna inkhelah India-in Nilaini zan khan South Africa 30 runs-in an hneh. Dr. DY Patil Sports Academy, Navi Mumbai-a inkhelah India-in bat hmasain 240/6 runs an siam a, South Africa-in 210/7 runs chauh an siam thung.

Men in Blue hian opener-ah Ishan Kishan leh Abhishek Sharma te an hmang a, ball vuak nuam ti pahnih hi an inkawp fuh awn hle. Kishan hian ball 20 lekah 53 runs a siam a, Abhishek hian ball 18-ah 24 runs a siam. Opener pahnih hi vawm hlum lo mah se midang bat-na hun an pe a, World Cup-a duh thala an che tla hmuh a chakawm tawh hle.

India hian February 7, Inrinni zan dar 7:00 hian World Cup opening match-ah United States nen Wankhede Stadium-ah an inkhel dawn. Men in Blue hi champion tura rinkai an ni a, an group-ah United States bakah Pakistan, Namibia leh Netherlands te an awm.