Man United-in Munich chhiatna hre reng

Manchester United chuan Munich chhiatna hriat reng nan vawiin hian hun an hmang dawn. Man United coach Michael Carrick leh hmeichhe team coach Marc Skinner-a te pawhin he hun hman hi an thlawp.

Kum 1968 khan Sir Matt Busby leh a team-te chu European Cup khel turin Belgrade an pan a, Munich-ah thlawhna tui thuna an chawl chu an thlawhchhuah dawnah thlawhna chian loh vangin chhiatna hi a thleng a, mi 23-in nunna chanin an zinga pariat chu Man United player an ni.

Chhiatna thleng hi a kum 68-na tur a ni a, United chanchina chhiatna rapthlak ber niin Zirtawpni dar 8:15-ah darkar chanve chhung hun an hmang ang. Hmeichhe team coach Skinner chuan,"He chhiatna thleng hi i hriatthiampuiin i khawngaih pawh a ni thei, mahse club chhungah i awm tawh chuan chhiat tawk zinga mi i ni ve tawh. He chhiatna hi club chanchina rapthlak ber a ni a, kum tinin nunna chan ho chhungkua ka hmuha an nun dan a thlak danglamzia ka hmuhin an puala kum tin hun hman hi kan tihturah ka ngai," tiin a thlawp thu a sawi.