Stuttgart-in German Cup semifinal an lut

Nilaini zan German Cup-ah Stuttgart chuan 3-0 Holstein Kiel lakah hnehna an chang a, Bayer Leverkusen dawta DFB-Pokal semifinal lut hmasa ber an ni. Stuttgart tan Deniz Undav, Chris Fuhrich leh Atakan Karazor ten goal an khung.

Holstein-Stadion, Kiel-a inkhelah mikhual team Stuttgart an chungnung tluan zak a, first half-ah goal kan hmu lo thung. Minute 56-naah German forward Undav-a'n hmahruaina goal a khung a, Stuttgart an phur sawt.

Hun tawp dawnah goal kan hmu leh chauh - Chris Fuhrich-a'n minute 89-naah an hmahruaina a belhchhah a, injury time-ah Turkish midfielder Karazor an chak nemnghehna goal khungin nuamsa takin Stuttgart an chak.