Viktor Axelsen a thiam ber

Badminton season khar-na tournamenr BWF Super Series Masters Finals-ah Vik-tor Axelsen chuan no-mawi kawl mektu Jan O. Jorgensen hnehin champion thar a ni.

Pathianni khan Hamdan Sports Complex, Dubai-ah final hi khelh niin kum 22-a upa Axelsen hian Chinese shuttler Tian Houwei lakah 21-14, 6-21, 21-17 in hnehna a chang. Denmark tlangval Axelsen hi kum 2014 khan final-ah Kento Momota hneh loin pahnihna a lo ni tawh a, final a vawi hnih khelhnaah hnehna a chang ve ta.

Axelsen chuan, "Hmun hran hranah final hi ka lo khel ve nual tawh a, he hmuna hlawhtlin hi ka châk ṭhin hle. Tunah chuan ka thil tum leh duhtak ka ti hlawhtling ve thei ta a, hei hian season thar atan pawh inrintawkna min pek belh nasa hle ang," tiin a sawi. BWF Super Series Masters Finals champion hian Rs 54,19,636 an dawng.

Hmeichhe inelna lamah Tai Tzu-ying chuan Sung Ji-hyun chu 21-14, 21-13 a hnehin a champion ve bawk. Kumin BWF Super Series Masters Finals-ah hian India shuttler zingah PV Sindhu a inlan ve a, world number 10 Sindhu hi semifinal-ah a chak lo.