Nadal coaching team-ah Moya

Rafael Nadal chuan French Open champion hlui leh a hnampui ni bawk Carlos Moya chu a coaching team zingah a telh.

Grand Slam vawi 14 champion tawh Nadal hi a patea Toni Nadal leh Francis Roig te nen an thawk ho mek a, tunah chuan kum 40-a upa Moya hi an zingah a tel tawh ang.

Kum 30-a upa Nadal chuan, "Carlos hi chu ka tan mi bik a ni. Ka ṭhian a ni satliah lo a, tennis ka khelh hun chhunga kawng hrang hranga hma ka sawn theih nana min pui ṭhintu a ni bawk," tiin a sawi.

Wimbledon finalist Milos Raonic nen pawh a lo tawhkdun tawh Moya chuan Nadal a nena an thawkdun thei tur chu a lawm thu a sawi ve bawk a, naupangte chher hriamna tura an din Rafa Nadal Academy-ah a thawk nghal bawk ang.

Spain tlangval Nadal hian tun hnaiah hliam a nei fo. French Open khelh mekah a banrek na vangin a inhnukdawk a, a hliam dam hnuah pawh beisei a phak tawh lo. Tunah hian world number 9 ni mekin season thara Grand Slam tournament hmasa ber tur Australian Open khelh tumin inbuatsaihna a nei mek.