Nice tan Balotelli a mawi

Mario Balotelli-a goal hnih hmangin Nice chuan Dijon 2-1 in an hneh a, point 43 hmuin French Ligue 1 hmahruaitu an nih chhunzawm zel.

Liverpool striker hlui hian minute 32-na-ah penalty aṭangin goal hmahruai an khung a, second half minute nga-naah an goal hnihna a khung bawk. Table mawng-phah lama talbuai mek Dijon tan Julian Tavares chuan goal khung ve mah se awmzia a nei thui lo.

Inkhel dangah Lyon chuan Monaco 3-1 a hnehin league table-ah palinaah an invawrh chho. Chak lo zawk Monaco hian point 39 hmuin Nice an phak lohna chu point li a ni leh ta. Monaco hian an match hnuhnung pahnihah goal 11 zet khung mah se Lyon tlarhnung an su nghing zo meuh lo a ni.