Kum duhthusam - Ronaldo

Cristiano Ronaldo chuan kumin chu a tan 'Kum Duhthusam' a nih thu a sawi chhuak. Ronaldo hian Pathianni tlai khan Kashima Antlers lakah hattrick siamin Real Madrid chu Club World Cup nomawi a chawi pui.

Kum 31-a upa Ronaldo hian Real Madrid hi Champions League nomawi a chawipui hnuah an ram Portugal chu Euro-ah a vawi khat nan a champion pui leh. Kar hmasa lawk khan a vawi li nan Ballon d'Or award a dawngin tunah hlawhtlinna dangin a zui leh ta.

Real Madrid forward chuan, "Club World Cup champion nih hi kan duh a, hetiang baka kum
ṭha hi a awm thei tawh chuang lo ang. A bik takin final-a goal thum khung hi a lawmawm dan a dang a, ka teammate-te chungah lawmthu ka sawi. A chhan chu keimah chauhin hetiang dinhmun hi ka thleng thei lo a, mahnia champion theih a ni lo," a ti.

Ronaldo chuan sawi chhun-zawmin, "Real Madrid tan Cham-pions League, UEFA Super Cup leh Club World Cup kan chawi a, hei bakah hian Euro-ah Portugal kan champion bawk - ka tan chuan kum
ṭha leh duhthusam chu a ni," tiin a sawi.

Club World Cup-ah hian Real Madrid hi semifinal aṭangin an inlan a, Ronaldo hian match hnih an khelhah hian goal li khungin top scorer leh best player chawimawina a dawng bawk.

Portugal captain Ronaldo chuan, "Miten ka lakah beiseina an nei sang tih ka hria a, an duh ang thlentir ngei ka tum ṭhin. Tun hnai kum 10 chhungin ka theihna sang thei ang ka lantir a, hetianga ṭha hian khelh zel theih pawh ka duh hle," a ti.

La Liga hmahruaitu Real Ma-drid tan Ronaldo hian tun season-ah inelna hrang hrangah match 19 a khelh aṭangin goal 16 a khung leh tawh. Euro 2016 final-a France nen an inkhelh ṭumin a inhliam a, season a ṭan har avangin match a khel tam tawk lo bawk.