Tsitsipas a tla ve leh ta

Stefanos Tsitsipas chu Rotterdam Open aṭanga vuak tlak a ni ve leh ta. Ningani zan khan Greek tlangval bakah hian David Goffin chu beisei phak loin a zinkawng a tawp bawk a ni.

Rawlthar beiseiawm Tsitsipas hi Aljaz Bedene lakah 7-5, 6-4 in a tlawm. Bedene hian tun hmain player langsar a la hneh ngai lo, tun ṭuma a hneh hi seeded pahnihna a nih avangin tennis a khelh hun chhunga a match khelh ṭhat ber ṭum a ni hial ang.

Champion tura rinkai zinga mi Goffin pawh Jannik Sinner nen inhnehtawk taka an inkhelh hnuah 7-6 (9-7), 7-5 in a chak lo. Kum 18 mi Sinner hian winners vawi 27 a vaw chhuak a, tennis a khelh ve chinah player langsar a hneh vawi khatna a nive bawk.

Seeded pakhatna Daniil Medvedev, Tsitsipas leh Goffin te an tlak lai hian seeded pasarihna Andrey Rublev erawhin a khingpui Alexander Bublik chu 7-5, 6-3 a hnehin quarterfinal an invaw kai a, vawiin hian Filip Krajinovic nen an intawng leh ang.