Final-ah Radacanu a chak lo

2021 US Open hnuah Emma Raducanu-i'n a vawi khat nan final lut mah se Transylvania Open final-ah Sorana Cirstea lakah 0-6, 2-6 in an chak lo. Pathianni khan final hi khelh a ni a, kum 35 mi Cirstea hi ṭan aṭanga tawp thlengin a chungnung.

Raducanu chuan, "Ka awmah na ka nei a, semifinal kan khelh rei avangin harsatna ka neih belh. Final-ah pawh thahrui ka ngah tawk lo a, chutihrualin inhnuhdawh aiin court chhunga inlan ngei ka duh," tiin a ṭhat theih dan bera final a inlan theih loh thu a sawi.

British no. 1 Raducanu-i'n nomawi a chawi loh laiin British player Katie Boulter-i'n Ostrava Open-ah nomawi a chawi. British no. 4 hian Boulter hian final-ah German player Tamara Korpatsch chu 5-7, 6-2, 6-1 in a hneh a ni.