Referee laka lawm lo Slot

Manchester City defender thar Marc Guehi-a'n nipui laiin Liverpool a zawm teuh viau a, mahse, Crystal Palace lamin an phal loh leh tak thut avangin Reds-in an chang ta lo.

Thlasik transfer a inhawng a, Guehi-a'n Selhurst Park chhuahsanin City a zawm a, Anfield-a a lenluh hmasak berah Reds ṭantuten an au el nasa hle.

Liverpool fan-te lawm lohna belhchhah turin Guehi a khel ṭha a, mahse, Mohamed Salah laka a foul red card a hmu lo chu a vannei takzet.

Reds coach Arne Slot chuan, "Mo Salah khan keeper chauh a hmachhawn tawh a, Anfield-a tun hnai kum sarih emaw kum riat emaw kal ṭhin chuan an hre vek ang - Mo khan khatiang chance kha a la khung ziah!

"Mahse, referee khan kan tana ṭha lo turin thutlukna a siam a, an hna hi ṭha takin thawk rawh se," a ti a, a lawm lo hle.

Dutch coach chuan inkhel chungchang thlir zuiin, "Thil thleng tam tak a awm a, kan chak zo ta lo erawh pawi ka ti hle. First half-ah khan City-in inkhel an thunun a, mahse, goal an khung thei bik lo.

"Second half-ah hma kan sawn a, 1-0 a hma hruaiin, kan tisual mawh hle. Mahse, a hnuah 1-1 a ni a, Silva khan a tiṭha em a ni. Extra time-a goal chhuah kan ching ta hle a, kan ngai neih lek lek chu a nih hi," a ti a, result-ah a lawm lo.