Vawiin aṭangin Mahuma Memorial Cricket

Cricket Association of Mizoram hnuaia division sang ber 1st Division Mahuma Memorial Screening Tournament chu vawiin aṭangin khelh ṭan a ni dawn. Inelna hi One Day Match (50 overs format) hmanga khelh tur a ni a, Suaka Cricket Ground, Sihhmuiah khelh tur niin March 16, Thawhṭanniah final khelh a ni ang.

1st Division ah hian club pariat Ramhlun Venglai CC, Kulikawn CC, Luangmual CC, Chhinga Veng CC, Ṭhuampui Chinari CC, Durtlang CC, Chanmarians CC leh Zemabawk Pitchers CC te an awm. Club pariatte hi vawi khat ṭheuh an inkhel kual dawn a, a sang pahnihin final an khel ang a, a hniam pahnih 2nd Division-ah an relegate thung ang.