Tlai dar 2:30-ah India U17 vs Turkiye U17

India U17 team chuan AFC U17 Asian Cup Saudi Arabia 2026 atana inpuahchah nan Antalya, Turkiye-ah friendly match vawi hnih an khel dawn. Coach Bibiano Fernandes hote hian vawiin chawhnu dar 2:30-ah Turkiye U17 an hmachhawn ang.

Tun thla tir khan India-in Margao-ah Tajikistan U17 nen friendly match vawi hnih an khel a, match hmasa zawkah 4-2 in an chak a, match hnuhnung zawkah goal awm loin an inhnehtawk. Tun ṭuma an khingpui tur Turkiye hi UEFA European Under-17 Championship 2026 leh FIFA U17 World Cup 2026 qualifiers atan an inpuahchah mek thung.

Turkiye hi UEFA Euro U17-ah vawi hnih an champion tawh bakah kum 2005 khan FIFA U17 World Cup-ah semifinal an lut a, India tan an harsa dawn. India team-ah hian Khawzawl naupang Lawmsangzuala a tel a, player 24 zingah Saidan aṭanga inzir chhuak Mapuia chauh hi Mizo a awm.