Mizoram State Games 2019 Badminton mipa pakhatna Puipuia
Mizoram State Games 2019-a badminton inelnaah Mission Veng tlangval Lalhlimpuia chuan Mizoram number 1 Samuel Lalnunmawia hnehin gold medal a la.
Aizawl South II aiawha tel Lalhlimpuia (Puipuia) hi Mizoram number 13 a ni a, season tira Mizoram Badminton Association-in Mizoram aiawh thei tur mi engemaw zah a thlan zingah pawh a tel phak lo. Amaherawhchu State Games-ah Puipuia hian champion tura rinkai Samu-a a hneh.
Chutihrualin Lalhlim-puia hian Bengaluru-ah training a nei tawh ṭhin a, kumina neih tualchhung inelnaa sum fai tamna ber Mission Veng Open-ah pawh a champion tawh avangin men's singles-a thil thleng hi thilmak erawh a ni hran lo.
Hmeichhe inelnaah erawh Samu-a nau Lalrinzuali'n F. Lalnun-zami hnehin gold medal a la. Badminton inelnaah Aizawl West II an che ṭha a, Samu-a leh Zuali ten an kawppui Lalnunhlua leh R. Lalbiaksanga nen men's doubles leh mixed doubles-ah gold medal an la.
Badminton inelna hi Ramhlun Indoor Stadium-ah neih a ni a, vawiin hian team inelna zawh a ni ang.
Badminton - Thlirna Tawi
Men's Singles
Gold Lalhlimpuia Aizawl S II
Silver Samuel Lalnunmawia Aizawl W II
–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––
Women's Singles
Gold Lalrinzuali Aizawl W II
Silver F. Lalnunzami Aizawl N I
–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––
Women's Doubles
Gold F. Vanlalhriatpuii & Zothansangi Aizawl E II
Silver F. Lalnunzami & Lalduhzuali Aizawl N I
–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––
Men's Doubles
Gold Lalnunhlua & Samuel Lalnunmawia Aizawl W II
Silver Lalrammuanpuia & Thlamuanpuia Aizawl S I
–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––
Mixed Doubles
Gold R. Lalbiaksanga & Lalrinzuali Aizawl W II
Silver Ismael Azyu & HC Elisa Siaha