Dec 14-ah MFA Football Symposium

Mizoram Football Symposium chu December 14 hian R Dengṭhuama Hall-ah (Main Hall hnuaiah) neih a ni dawn.

Football Symposium-a resource person tur hi AIFF Development Officer Samson Ramengmawia a ni a, football vanga inhmuhkhawmna pawimawh hi session thumah an ṭhen. Session hmasa berah hian player registration, transfer leh loan chungchangte sawi ho tur a ni a, session hnihnaah hian Central Registration System (CRS) leh Competition Management System (CMS) zirhona neih leh tur a ni.

Session thumna hi MFA honorary secretary Lalnghinglova Hmar kaihhruainain zawhna leh chhanna hun atan hman tur  a ni. District FA pariatte bakah Hnahthial Zone FA, Khawzawl Zone FA leh Saitual Zone FA aiawh pahnih aia tam lo tel tur a ni a, MFA-in mi pahnih ṭheuh tan kal man senso a tumsak ang.