Celtic-ah Chamberlain a lut

Arsenal leh Liverpool midfielder hlui Alex Oxlade-Chamberlain chuan Scottish club lian Celtic a zawm a, Chamberlain hian season tawp thleng cham turin contract a ziak a, kum khat dang pawhsei theih turin an inrem bawk.

Kum 32 mi Oxlade-Chamberlain hian hlawhtling taka Liverpool tan a khelh hnuin 2023 khan Besiktas a zawm a, nikum August khan club nen inhriatthiam tawnnain a contract a titawp. Turkish club tan match 50 inlan hmanin goal nga a khungsak hman. Besiktas a chhuahsan hnuah club a la nei leh lo a, a club hlui Arsenal chuan an club-ah training neih an phalsak.

Chamberlain chuan, "Celtic ka zawm thei hi ka lawm a, Manager nen kan inbiak lai aṭang tawhin ka phur tawh. Club hmachhawp te, an thil tumte ka hriatin ka phur lehzual a, champion turin theihtawp ka chhuah dawn," tiin Celtic a zawm chu a phur hle.

Celtic manager Martin O'Neill pawhin Chamberlain chu fakin, "Chamberlain hian theihna sang tak a nei a, a tawnhriat ṭha takte team-in an ṭangkaipui ka beisei. Min ran zawm tur hi a phur hle a, club tana hlawhtlinna chan tum player hi keini pawhin kan lo lawm em em a ni," a ti a, Chamberlain lakah beiseina sang tak an la nei.

Celtic hi Scottish Premiership-ah pathumnaah an awm mek a, an chungah an hmelma Rangers leh Hearts an awm mek. Chamberlain hian Celtic hi champion nomawi humhimpui a tum dawn a ni.