South Africa an chak nuam sa

ICC T20 World Cup-ah South Africa chuan Thawhṭanni zan khan Canada 57 runs-in an sawp. Proteas hian nikum kum tawp khan India ramah Test, ODI leh T20 series an khel a, inelna hmun an hriat chian bakah team ṭha an nih avangin champion rinkai an ni pha.

Ahmedabad-a inkhelah South Africa-in 213/4 runs an siam a, Aiden Markram half century (59) a siam bakah David Miller (39*), Tristan Stubbs (34*) leh Ryan Rickelton (33) ten run 30 an siam tling.

Canada tan target a sang hret a, 156/8 runs chauh an siam. Proteas bowler Lungi Ngidi-a'n wicket li a la a, hnehna chan kawngah a pawimawh. South Africa gian vawiin chhun dar 11:00-ah Afghanistan an hmachhawn ang a, group stage inkhel pawimawh bik a ni ang.