Zidane-a'n Liverpool a cho

Real Madrid coach Zinedine Zidane chuan Champions League last 16-ah Liverpool hmachhawn a hlauh loh thu a sawi a, French coach chuan, "Liverpool kan tum a nih chuan kan hnawt chhuak ang," a ti.

Spanish club hian Nilaini zan khan tla chiang tawh Club Brugge chu group stage match hnuhnung berah 3-1 in an hneh a, Rodrygo, Vinicius Jr leh Luka Modric ten goal khat ṭheuh an khung. Belgian club tana Hans Vanaken goal khungin awmzia a nei lo. 

Group A inkhel dangah Paris St-Germain chuan Mauro Icardi, Pablo Sarabia, Neymar, Kylian Mbappe leh Edinson Cavani (penalty) hmangin Galatasaray chu 5-0 an sawp bawk a, group hmahruaitu an ni. Real Madrid-in pahnihna nichungin last 16 an lut tihna a ni a, champion lai Liverpool tum thei zingah an tel avangin Zidane-a'n English club an hlauh loh thu a sawi lawk. 

Social media lamah chuan Zidane-a thusawi hian Reds fans tam tak a kai tho a, Real Madrid hmachhawn ngei an duh - 2018 final-ah khan Real hi 3-1 in an ngam lo a, Liverpool tan phuba lakna remchang a ni thei ang.