Damdawi inah Abhishek a awm

T20 World Cup-ah India-in zanin dar 7:00 hian Delhi-ah Namibia an hmachhawn dawn a, opener Abhishek Sharma a inlan thei dawn em tih a chiang lo. ICC batter ranking no. 1 Abhishek hi Thawhṭanni aṭang khan pum nuam loh vangin damdawi inah a awm a, zaninah a inlan a rinawm loh.

Men in Blue hian Abhishek hi chhawr thei lo mah se Namibia hneh turin an ṭha tawk a, chutihrualin Pakistan an hmachhawn hunah erawh a dam hman a pawimawh ang. Nambia nena inkhel hunah Ishan Kishan-a bul ṭan pui turin Sanju Samson lut tura ngaih a ni a, kum 31 mi Kerala tlangval tan hming chherna hun ṭha a ni thei ang.