Lakers tan Wemby a sang

NBA regular season khelh mekah nimin zing khan San Antonio Spurs chuan 136-108 in Los Angeles Lakers an hneh a, Spurs tan French center Victor Wembanyama a langsar a, Lakers-in an ngam lo.

Crypto.com Arena-a inkhelah Wemby hian point 40 score in, rebound vawi 12 lain double double a neiin inkhelh zingah a langsar fal. Wemby bakah Carter Bryant (16) leh Dylan Harper (15) ten Spurs chak nan an thawhhlawk hle.

Lakers player zingah langsar fal an awm lo a, LeBron James, Luka Doncic, Marcus Smart leh Austin Reaves te inlan loh avangin Spurs lakah Lakers an danglam. Lakers tan Luke Kennard leh Drew Timme ten point 14 an score a, LeBron James-a fapa Bronny James-a'n point 12 a score ve bawk a, Spurs laka chak nan a tawk lo.

Lakers player pawimawh James, Doncic, Smart leh Reaves te dinhmun a chiang lo a, naktuk zinga Lakers-in Dallas Mavericks an hmachhawn hunah an inlan a nih pawhin an kim theih a beiseiawm loh.