Freiburg-in German Cup semifinal an lut

SC Freiburg chuan thawhlehni zan khan Hertha Berlin an hneh a, DFB-Pokal semifinal an lut. Team pahnihte extra time khelh hnuah 1-1 a an inhnehtawk avangin penalty shootout hmanga chak zawk zawn a ni a, 5-4 in Freiburg a vannei zawkah an ṭang.

Olympiastadion Berlin-a inkhelah team pahnihte an inhnehtawk a, hun pangngaia goal an khung thri lo. Extra time khelh a ni a, minute 96-naah Freiburg midfielder Yuito Suzuki-a'n Hertha defender te tihsual nangchingin hmahruaina goal a khung a, thawm a ring hle. Freiburg phur hman viau mah se minute 10 hnu lawkah Hertha tan Fabian Reese-an mawi takin an si phurh a sut a, goal dang lut tawh loin inkhel a tawp.

Penalty shootout-ah Freiburg player ten an pet goal vek a, Hertha tan Pascal Klemens-a pet chu Freiburg keeper Florian Müller-a'n a dansak a, Freiburg-in semifinal an lut. Semifinal-ah Bayer Leverkusen leh champion lai VfB Stuttgart te an lut tawh a, nizanah Bayern Munich leh RB Leipzig te an inhmachhawn bawk a, an result kan hre hman lo.