Mapuia telna India-in Turkiye hneh lo

India Under 17 team chuan Thawhlehni khan Emirhan Sport Center, Manavgat, Antalya-ah Turkiye nen friendly match an khel a, 1-0 in an chak lo. Goal awmchhun hi minute 13-naah Eymen Erdoğan-a'n penalty aṭangin a khung.

Mizo rawlthar Lawmsangzuala a khel tluan a, chutihrualin Khawzawl rawlthar hian penalty a chawi. FC Cologne youth team winger Erdogan-a'n goal-ah a chantir a, goal dang hmuh tur a awm tawh lo.

India leh Turkiye hian vawiin tlai dar 2:30 hian friendly match an khel leh ang. Blue Colts te hi AFC U17 Asian Cup Saudi Arabia 2026 atan an inpuahchah mek.