Vawi 600 chak thei Cilic

Dallas Open-ah Marin Cilic chuan seeded no. 6 Learner Tien a hneh a, last 16 a lut. Croatian tennis star hian a career-ah vawi 600 a chakna chiah a ni a, kum 1988 leh a hnu lama piang zinga vawi 600 chak thei hmasa ber a ni.

US Open 2014 champion Cilic chuan, "Vawi 600 ka chak thei hi ka ngai hlu takzet a ni," tiin a sawi. Kum 37 mi Cilic hian Australian Open (2018) leh Wimbledon (2017) final a lut tawh a, French Open-ah kum 2022 khan semifinal a thleng bawk.

ATP ranking-a a thlen san lai berin Cilic hi world ranking-ah pathumna a ni pha a, February thla tira ranking tihchhuah tharah khan 61-naah a awm.