Tuchel-a'n contract pawtsei

Manchester United-in manager nghet an nei lo a, Old Trafford pan thei tur zinga sawi rik Thomas Tuchel chuan England-a a contract neih lai chu Euro 2028 thleng daih turin a pawtsei. Euro 2028 hi England, Wales, Scotland leh Republic of Ireland ten an thleng dawn a, German manager hian hun pawimawh bika Three Lions enkawl hi a duh.

Tuchel bakah hian a coaching dang Anthony Barry, Henrique Hilario, Nico Mayer leh James Melbourne ten kum 2028 nipui thleng contract an pawtsei bawk. German manager chuan, "Euro 2028 hi inelna hlu bik a ni dawn a, coach nih chuan inelna liana team ṭha enkawl tluka hlu a awm lo," tiin a sawi.

Kumina khelh tur World Cup-ah England hi group L-ah Croatia, Ghana leh Panama te nen an awm ho a, Tuchel-a kaihhruai England hi champion beiseiawm zinga mi an ni.