Mizoram-in national round an lut

U13 ASMITA Zonal Football League 2025-26-ah East Zone aṭangin Mizoram-in national round an lut. February 5-10, 2026 chhung khan Chumoukedima, Nagaland-ah East Zone hi khelh a ni a, Mizoram aiawha kal Mt. Horeb School, Salem Vengte chu pahnihna niin pakhatna Assam nen national round an khel ang.

Inelna hi U13 Asmita City League khel tawh te tan bika buatsaih a ni a, Mizoram Football Association hnuaiah Aizawl leh Lawngtlaiah te, an District Football Association huaihawtin U13 City League hi khelh a ni.

U13 Asmita Football League national round hi March 2026 chawhnu lamah AIFF ruahmannain Punjab-ah khelh a ni dawn. AIFF chuan Junior & Sub Junior Girls National Football Championship-te hi SAI hnuaia Asmita Football League Programme nena thawk ho a, mumal zawk a buatsaih dan tur a ruahman mek bawk.