Celtic tan chamberlain a vul nghal

Alex Oxlade-Chamberlain chu a club thar Celtic tan a langsar nghal a, Chamberlain hian Nilaini zan khan bench aṭanga a luh hnuin hun tawp dawnah goal a khung a, Livingston lakah a club thar 2-1 in a chakpui.

Chamberlain hi hlawhtling taka Liverpool tan a khelh hnuin 2023 khan Besiktas a zawm a, nikum August khan club nen inhriatthiam tawnnain a contract a titawp. Turkish club tan match 50 inlan hmanin goal nga a khungsak hman.

Besiktas a chhuahsan hnuah club a la nei leh lawk lo a, Celtic hi a zawm ta a ni. Club a neih loh chhung hian a club hlui Arsenal chuan an club-ah training neih an phalsak.

Hun eng emaw chen club nei loin awm mah se, a thiam ngaiin a la thiam reng tih Chamberlain hian a lantir a, injury time-ah box pawn aṭangin mawi takin chakna goal a khung.

Celtic hian tun season tawp thleng atan Chamberlain hi an lalut a, kum khat dang pawhsei theih turin an inrem bawk. Celtic hian Pathianni zan hian Kilmarnock an lenchilh dawn a, Chamberlain-a'n hmun pawimawh a chan chhoh a rinawm.