Kane leh Diaz ten Bayern semifinal luhpui

13th February, 2026

Bayern Munich forward pahnih Harry Kane leh Luis Diaz te an chet ṭhat chhunzawm zel a, Nilaini zan khan Kane leh Diaz te goal hmangin 2-0 a RB Leipzig hnehin German Cup semifinal an luhpui.

Allianz Arena-a inkhelah Leipzig-in chance an nei hmasa zawk a, minute lina lekah Christoph Baumgartner-a'n a pet goal nghal a, goal a khung dawnah Baumgartner hi a offside avangin a goal khung hi sut leh a ni.

Leipzig-in chance an nieh hnuah an bet chhunzawm a, Bayern an hlauhawm tluan zak. Bayern tan Kane, Diaz leh Serge Gnabry ten cahnce hlauhawm tak nei mah se goal an khung thei lawk lo a, first half-ah goal a lut lo.

Second half-ah Bayern bawk an hlauhawm a, minute 64-naah Josip Stanisic an tihtluk avangin Bayern-in penalty an hlawhchhuak a, Harry Kane-a'n pet goal-in Bayern hma a hruapui. English forward Kane hian tun season inelna hrang hrangah goal 39 a khung tling tawh a, match 34 chiah a mamawh.

Kane-a'n goal a khung aṭanga minute thumnaah goal kan hmu lehnghal a, Michael Olise ball pek ṭha tak chu Diaz-a'n a um lut a, keeper chauh a hmachhawn hnuah Colombian forward hian goal a chantir turin harsatna a nei lo a, an hmahruaina a belhchhah.

Goal hnih an khung hnuah Bayern-in nawr chhunzawm mah se goal an khung belh thei lo a, hun a tawp zui avangin 2-0 in an chak. Vincent Kompany naute hi an vanneih zan ni se goal tam zawk khung thei tur an ni.

Bavarians hi semifinal lut hnuhnung ber an ni a, Bayer Leverkusen, champion lai Stuttgart leh Freiburg ten semifinal an lut tawh an lut tawh. Bayern hi kum ruk hnua semifinal an luh vawi khatna chiah a ni a, Bundesliga-ah hma an hruai bakah Champions League lamah an chet ṭhat bawk avangin treble champion nih ngei an tum ang.

Inkhelh zawhah coach Kompany chuan,"Eng inelnaah pawh champion tur chuan a tawp thleng tha thlah loa ṭan a ngai ṭhin. Ka naute an khel ṭha a, chu chu kan chak chhan a nih bakah match dawt leh atan inrintawkna nasa tak a pe dawn a, ka tan chuan chu chu thil pawimawh tak a ni. Tunah chuan Werder Bremen-ah chiah rilru kan pe leh tawh ang," a ti a, Inrinni zana Werder Bremen tlawh turin an insawrbing.