Raptors ngamtu Leonard awmna Clippers
Los Angeles Clippers shooting guard Kawhi Leonard chuan Ningani khan a team hlui Toronto Raptors a hmachhawn a, zahngaihna a lantir lo. A team thar hi 112-92 in hnehna a chanpui.
Kum 28 mi Leonard hian season hmasa khan Toronto Raptors a champion pui a, NBA Finals-a Golden State Warriors an hneh ṭumin player pawimawh a ni - NBA Finals Most Valuable Player atan thlan a ni hial. Mahse, July thla khan Toronto Raptors hi chhuahsanin Clippers a zawm. Scotiabank Arena-a a kir lehnaah hian mipui lawm a hlawh a, fans lamin zah takin ding chungin an lo lawm.
A club hlui laka point 23 neitu Leonard chuan, "Season duhawm kan lo hmang ho tawh, a bik takin playoff kan khelh chhoh dan kha a ropui," tiin a thinlungah Raptors an la thih loh thu a sawi a, nikum lama an hun tawn a sawi chhuak bawk.
Nimin zing NBA regular season inkhel dangah Houston Rockets tan James Harden a ropui zel. Herden hian point 55 ngawt neiin Cleveland Cavaliers lakah 116-110 in hnehna an chang.
Inkhel Results
Houston Rockets 116 - 110 Cleveland Cavaliers
Indiana Pacers 122 - 117 Boston Celtics
Los Angeles Lakers 96 - 87 Orlando Magic
Los Angeles Clippers 112 - 92 Toronto Raptors
Charlotte Hornets 113 - 108 Brooklyn Nets
Chicago Bulls 136 - 102 Atlanta Hawks
Utah Jazz 127 - 116 Minnesota Timberwolves
Memphis Grizzlies 115 - 108 Phoenix Suns
Milwaukee Bucks 127 - 112 New Orleans Pelicans
Sacramento Kings 94 - 93 Oklahoma City Thunder
New York Knicks 124 - 122 Golden State Warriors