AIHM 2026 hun a thleng ta

Aizawl International Half Marathon chu tukin zing hian tlan a ni dawn a, RG Stadium-ah zing dar 6:00 hian Mizoram Governor Gen (Dr) VK Singh chuan a flag off dawn.

Inelnaa hian Africa leh Europe aṭangin an rawn tel dawn a, Indian runner ṭha pawh an rawn tel dawn. Category pakua siam a ni a, inelna hming put chhan ber half marathon (21.1 km) chu dahsan ber a ni.

Half marathon bakah hian category dang pasarih 10 km (mipa leh hmeichhia), 5 km (mipa leh hmeichhia), 5 km Senior (Kum 60 chung lam), 5 km Junior (Kum 10-15 inkar mipa leh hmeichhia) a awm.

Sports minister Lalnghinglova Hmar chuan, "Fitness leh hriselna hi nun pui ila, intih hmuh theih a ni," tiin marathon chu hriselna kawnga Mizote nun vawngtu ni thei se a duh thu Vanglaini a hrilh.