MPL8 Awards Nominee - Aizawl FC-in pasarih, Electric Vengin panga an thawh

Nimin khan Mizoram Premier League Season 8 mimal chawimawina dawng thei tur hming chhawpchhuah a ni a, finalist Aizawl FC leh Electric Veng ten player 20 zinga 12 an thawh.

MPL8 hi keeper lansarh ṭum a ni lo. AFC-in season tawp lamah Lalawmpuia aiah Lalremruata an rin zawk avangin nominee-ah pawh match nga chauh inlan Arema a lang. Chhinga Veng keeper Dharminder Guru pawh match hnuhnung pasarih chiah a inlan.

Chutihrualin Chanmari keeper Zothanmawia (T. Mawia) leh Chawnpui keeper Vannunmawia te an inlan kim vek. Electric Veng keeper Lalmuansanga match 11-ah a inlan a, final thlen theih nan penalty a dang. T. Mawia chiahin chawimawina hi a la dawng.

Aizawl FC-in tun season-ah goal 13 chiah an chhuah a, defender pawimawh Richard Kassaga leh C. Lalrosanga te hming a lang. Final-a an hmachhawn tur Electric Veng FC-in pahnih tho PC Laldinpuia leh K. Lalmalsawma ten an thawh. Chhinga Veng captain Vanlalzuidika hming a lang bawk a, Zuidika hi hrem vanga match khat a awl tih loh chu a inlan kim vek. Dinpuia chiah hi best defender ni tawh a ni. 

MPL best player nilai Alfred Kemah Jaryan chu Aizawl FC-in forward angin chhawr tam mah se midfield-ah a awm tel tho avangin best midfielder la thei zingah a tel.

AFC midfielder Paul Ramfangzauva pawh chawimawina dawng thei zingah telin Lalsawmzela (Chhinga Veng), Lalengmawia (Electric Veng FC) leh R. Malsawmtluanga (Mizoram Police) te hming a tel. Alfred leh MS-a te hian best midfielder lawmman an dawng tawh.

Best forward bawm a tawt hle. Aizawl FC forward pahnih F. Lalremsanga (10) leh Isak Vanlalruatfela (5) bakah Malsawmfela (4 - Police), MC Malsawmzuala (12 - Chhinga Veng) leh Ramhlunchhunga (5- Electric Veng) te goal khung belhkhawm hi goal 36 a ni.

Forward goal khung tam zingah goal ruk khung pathum Vanlalthlamuana, Vanlalthanga leh Rochharzela bakah Lalnunmawia (5) leh Lalrammawia (4) te hming a lang lo. Hming lang zingah Sawmfela chiah hi best forward dawng tawh a awm.

1    Dharminder Guru    Chhinga Veng

2    Lalmuansanga    Electric Veng

3    Lalremruata    Aizawl FC

4    Vannunmawia    Chawnpui FC

5    Zothanmawia    Chanmari FC

        

1    Lalrosanga    Aizawl FC

2    Lalmalsawma    Electric Veng FC

3    PC Laldinpuia    Electric Veng FC

4    Richard Kassaga    Aizawl FC

5    Vanlalzuidika    Chhinga Veng FC

1    Alfred Kemah Jaryan    Aizawl FC

2    Lalengmawia    Electric Veng FC

3    Lalsawmzela    Chhinga Veng

4.    Paul Ramfangzauva    Aizawl FC

5    R. Malsawmtluanga    Mizoram Police

        

1    F. Lalremsanga    Aizawl FC

2    Isak Vanlalruatfela    Aizawl FC

3    Malsawmfela    Mizoram Police

4    MC Malsawmzuala    Chhinga Veng

5    Ramhlunchhunga    Electric Veng FC