NBA All Star khel ṭan

Kum 2026 NBA All-Star Weekend chu tukin zing aṭangin khelh ṭan a ni a, Los Angeles Clippers home thar Inglewood, California-ah basketball kutpui hi neih a ni. Tukin dar 5:30 khan Ruffles All-Star Celebrity Game hmangin khelh ṭan a ni a, he hunah hian milar hrang hrangte an inlan dawn.

Dar 7:30-ah Castrol Rising Stars khelh a ni leh ang a, he game-ah hian NBA rookie (season vawi khat khelhna), Sophomore (season hnihna khel ho) leh G League player-te an inkhel dawn a, heta chak ber hian Thawhṭanni tuka NBA All Star Game-ah an tel dawn avangin inkhel hmuhnawm a beisei ngam.

February 14, Inrinni zanah All-Star Saturday Night hun hman a ni leh dawn a, kan timezone a inan loh avangin All-Star Saturday Night hi February 15, Pathianni zing dar 3:30-ah kan en a ngai dawn. He hunah hian three point contest, shooting stars bakah slam dunk contest a awm dawn a, mipui nghahhleh ber pawl a ni.

February 16, Thawhṭanni zing dar 3:30-ah NBA All-Star Game chu pangngai khelh a ni dawn a, All Star Game-ah hian kum danga an tih loh dan deuhin team pali an awm dawn a, Team USA, Team USA Stripes leh Team World an awm dawn a, hei bakah hian Rising Stars Challenge a champion team te an tel dawn bawk a, inkhel hmuhnawm leh hlimawn tak kan hmuh a rinawm.