Clippers chungah Celtics an leng

Nimin zing NBA regular season inkhelah Boston Celtics chuan Los Angeles Clippers chu 141-133 in an hneh, Celtics hian season kal laiah match 38 an chakna chiah niin Eastern Conference lamah pathumna an nih chhunzawm. 

Nimin zing inkhelah hian Celtics player an khel ṭha rual hle, point 39 neitu Jayson Tatum bakah Marcus Smart (31 point) ten point 30 an nei tling. Gardon Hayward (21 points), Kemba Walker (19) leh Daniel Thies (12) ten an thlawp ṭha hle bawk.

Celtics hian tukin zing hian Minnesota Timber-wolves an hmachhawn leh a, Pathianni zanlaiah Los Angeles Lakers nen an inhmachhawn zui leh nghal bawk ang. Clippers hian Pathianni zan dar 2:00-ah Sacramento Kings an bitum ve leh thung dawn a ni.

Nimin zing inkhel pakhat zawkah Oklahoma City Thunder chuan New Orleans Pelicans chu 123-118 in an hneh ve bawk.