Stoke lakah Fulham an 'comeback'

Premier League match thum zet a zawna an tlawm hnuah Fulham-in FA Cup hmangin lawmna an tawng a, last 16 lut turin Stoke City chu 2-1 in an hneh.

Mualneitu Stoke tan Bae Jun-ho chuan minute 19-na lekah goal hmahruai a khung a, mahse, Championship club lakah Premier League club-in tlawm mai an tum lo.

Second half ṭan aṭanga minute 10-na lekah Kevin chuan Fulham tan si phurh sutin, hun tawp nan minute ruk a la awm tihah Harrison Reed chuan chakna goal a khung zui.

Fulham-in FA Cup-ah hnehna an chang a, Pathianni zan dar 7:30-a Sunderland an hmachhawn tur atan inrintawkna an nei sawt ang - Black Cats hian FA Cup-ah hnehna an chang ve tho tih erawh hriat a ṭha.

Sunderland hian Championship club talbuai mek Oxford United laka hnehna chang turin vanneihna an mamawh a, Habib Diarra chuan minute 32-naah penalty aṭangin inkhela goal awmchhun a khung.