NBA All Star khel zo

Kum 2026 NBA All Star Game chu khelh zawh a ni a, Los Angeles Clippers home thar Intuit Dome, Inglewood, California-ah khelh a ni.

Zirtawpni zing aṭang khan All Star Weekend hman ṭan a ni a, Ruffles All-Star Celebrity Game hmanga ṭan a ni a, he game-ah hian milar hrang hrang an inlan.

Castrol Rising Stars-in chhunzawmin Vince Carter-a team chuan hnehna an chang a, final-ah Carmelo Anthony team chu 25-24 in an hneh. Rising Stars game bikah Philadelphia 76ers rookie VJ Edgecombe chu MVP-ah thlan a ni.

Inrinni zanah Slam Dunk Contest leh 3-Point Contest neih a ni a, Slam Dunk Contest-ah Miami Heat player Keshad Johnson chu a champion a, 3-Point Contest-ah a vawi thum nan Portland Trail Blazers point guard Damian Lillard a champion a, Lillard hian Devin Booker leh rookie Kon Knueppel te a hneh.

Nimin zingah All Star Game khelh a ni a, an inkhelh kual hnuah Team USA Stars leh Team USA Stripes ten final an lut a, final-ah Team USA Stars te 47-21 in an chak. Minnesota Timberwolves guard Anthony Edwards chu MVP-ah thlan a ni a, Edwards hian tournament chhungin point 32 a score a, Kobe Bryant Trophy a hawn.

All Star khelh zawh hian ni thum chawlh an nei dawn a, Zirtawpni hian NBA regular season khelh chhunzawm a ni leh dawn a, team hrang hrangten match an nei leh nghal ang.