Red Bull an ṭha - Russel

British F1 driver George Russel chuan Red Bull engine thar chu ṭha a ti a, team dang nen khaikhin pawhin awihawm loh khawpa an ṭhat thu a sawi.

F1 hi FIA-in a lo tih ṭhin danin car regualtions a thlak thar kum a ni a, tun thlasik khan an chanchina hriat reng turin thil lian tham tak an thlak nual a, 2026-a hman ṭan turin car bakah engine leh a ke thlengin an thlak vek. Mercedes-in Barcelona-a test an neih hmasak berah team dang mak tih hlawh khawpin a ṭha tih Russel hian a sawi tawh bawk.

Kar kal taa Bahrain-a test an neihnaah Red Bull engine-in ṭha tih a hlawh a, GPS aṭanga a lan danin an engine hian team dang aiin electrical energy a pe chhuak rei zawk.

Mercedes driver Russel chuan,"Red Bull hian kum 15 liam ta chhung khan car an nei ṭha thei hle a, engine ṭha tak an neih loh pawhin car ṭha an nei ziah, Barcelona-a test neihah pawh khan kan team, Ferrari leh midang aiin an ṭha zawk." tiin Red Bull a fak.