East Bengal an chak nuamsa

Indian Super League-ah club lian leh langsar an chak zel a, East Bengal chuan Thawhlehni zan khan an mikhual NorthEast United chu 3-0 in an sawp.

East Bengal tan striker thar Youssef Ezzejjari chuan Indian football-ah tlangnel nghal a tum tih pholangin, goal hnih a khung a, Brazilian midfielder Miguel Figueira chuan hun pek belhah chak nemnghehna goal a khung bawk.

Kolkata club tan defender pawimawh Lalchungnunga'n inkhel bul a ṭan a, Edmund Lalrindika leh striker David Lalhlansanga te bench aṭangin an lut bawk.

Highlander tan Lalrinzuala leh Lalbiakdika te chu bench aṭanga luhtir an ni a, ISL-a an match hmasa ber an khel - player pahnih hi East Bengal-in Aizawl FC aṭanga an lakluh ve ve an ni.