New Zealand-in Super 8 an lut

T20 Cricket World Cup-ah New Zealand chuan nimin khan Canada wicket riata hnehin Super 8 an lut. Nimin tlai thleng khan team parukin Super 8 an lut. Group 1-ah India, West Indies leh South Africa te an awm dawn a, group 2-ah Sri Lanka, England leh New Zealand te an awm dawn. Group pahnihah team khat ve vein Super 8 an lut ang.

MA Chidambaram Stadium, Chennai-ah New Zealand leh Canada te an inhmachhawn a, beisei aiin inkhel a nung. Canada opener Yuvraj Samra-a'n ball 65-ah 110 runs siamin century a siam a, captain Dilpreet Bajwa-a'n 36 runs a siam ve bawk.

Canada hian 173/4 runs an siam a, Yuvraj hian thlawptu nei ṭha se target sang zawk an nei thei ang. Mahse, an target a tam miau lo a, New Zealand-in over 15.1 lekah 176/2 runs siamin wicket riatin hnehna an chang.