Chris Paul-a'n basketball a chawlhsan

American point guard Chris Paul chuan basketball khelh a chawlhsan thu instagram kaltlangin a puang a, CP3 hian NBA-ah season 21 a khel hman a, championship erawh a chawi ta lo.

Paul hian, "Tun hi a hun chu a ni! Kum 21 hnuah basketball chu ka kalsan dawn ta," tiin IG-ah a ziak a, kum 40 mi Paul hian inkhelh chhunzawm a tum tawh lo.

Kum 2005 NBA draft-ah New Orleans Pelicans fourth overall pick a ni a, 2005-06 season-ah rookie of the year-ah thlan a ni. NBA season 21 a khelh chhungin team pasarih New Orleans Pelicans, Los Angeles Clippers, Houston Rockets, Oklahoma City Thunder, Phoenix Suns, Golden State Warriors leh San Antonio Spurs tan a khel hman a ni.

NBA All Star-ah vawi 12 thlan a ni a, 'Point God' tih hiala an koh Chris Paul hian championship chawi lo mah se point guard ṭhe berte zinga chhiar tel tawh tur a ni a, a career-ah game 1,370 khel hmanin point 23,058 a nei a, assist 12,552 neiin John Stockton chiah a tluk lo a, steal 2,728 neiin Stockton bawk a tluk lo.