Abhishek-a hun a inṭan

T20 Cricket World Cup-ah India opener Abhishek Sharma-a'n run khat mah a la siam lo a, zanin dar 7:00-a Netherlands nen an inkhelh hunah en bika hlawh ang. T20 batting ranking-a pakhatna Abhishek hi United States leh Pakistan inkhelh ṭumin a duck out a, Namibia nen inkhelh ṭumin damlohna vangin a inlan lo thung.

Abhishek chet ṭhat loh karah Ishan Kishan a che ṭha a, captain Suryakumar Yadav a rintlak bawk. Inelna pawimawh zawk Super 8 a awm chho dawn a, Netherlands nena an inkhel tur hi Super 8 atana inpuahchahna pawimawh a ni ang.

Pakistan-in vawiin tlai dar 3:00 hian Namibia hmachhawn dawn a, Super 8 lut turin Shaheens tan chak a ngai. India laka an chak loh avangin Pakistan hian an player pawimawh pahnih Babar Azam leh Shaheen Shah Afridi te an paih dawn tih thawm a awm.