Zimbabwe-in Super 8 an lut

Thawhlehni tlai khan ruahsur vangin Ireland leh Zimbabwe an inkhel thei lo a, Cricket World Cup group B aṭangin inelna thlengtu Sri Lanka leh Zimbabwe ten Super 8 an lut. Cricket thiam ram Australia leh Ireland te beiseina a tawp thung.

Zimbabwe hian cricket khawvel barakhaihin Australia an hneh a, an group-a team nem ber Oman hneh bawkin Ireland an hmachhawn hma hian point li an hmu tawh. Aussies hian Zimbabwe an hneh loh bakah Sri Lanka an hneh lo a, Super 8 lut turin Ireland puihna an mamawh.

Mahse, Balagolla-ah ruah sur miau avangin inkhelh theih a ni lo a, Australia leh Ireland ten an tuar. Zimbabwe hian point khat hmuh belhin point nga hmu a, Australia tan khum theih a ni tawh lo. Vawiin tlai dar 3:00 hian group match hnuhnung berah Zimbabwe hian Sri Lanka an hmachhawn ang.

Zimbabwe hi Super 8-ah India, West Indies leh South Africa te nen an group A-ah awm ho dawn a, group B-ah Sri Lanka bakah England leh New Zealand te an awm. Pakistan-in nimin tlai khan Namibia an hmachhawn a, hnehna an chang a nih chuan group B-ah an awm ang.