Galatasaray-in Juve an sawp

Thawhlehni zan khan Galatasaray-in Juventus 5-2 in an sawp a, Turkish club hi Champions League last 16 lut turin an dinhmun a ṭha hle. Istanbul-a inkhelah mualneitu tan Noa Lang-a'n goal hnih a khung a, Gabriel Sara, Davinson Sanchez leh Sacha Boey ten goal khat ṭheuh an khung.

Galatasaray tan Gabriel Sara-a'n minute 15-na leka goal hmahruai a khung hnuah Italian club tan Teun Koopmeiners-a'n a sut nghal a, Dutch midfielder hian minute 32-naah hmahruaina goal a khung leh bawk.

Mahse, second half-ah Noa Lang leh Sanchez te goal hmangin Turkish club-in 3-2 in an lehthal a, Turin club tana harsatna belhchhah turin minute 67-naah Juan Cabal chu hnawhchhuah a ni.

Turkish club-in an tamna a hmang ṭangkai a, Noa Lang leh Sacha Boey ten khung belh lehin 5-2 in an chak a, second leg-ah hna a awlsam sawt dawn. Turkish Super Lig-ah Galatasaray hi hmahruaitu an ni a, Juventus erawh Serie A-ah panganaah an awm mek.