Vawiin aṭangin Mayors Cup

MFA leh AMC ṭangkawpin an buatsaih AMC Mayors Cup Futsal Tournament 2026 chu vawiin aṭangin R. Dengṭhuama Stadium, Mualpuiah khelh a ni dawn. Thawhṭanni zan khan Aizawl mayor Lalrinenga Sailo-in pet hawnna a nei a, team 19 inelna hi February 26, Ningani zanah final khelh a ni ang.

Vawiin hian Ward VI aiawh Chanmari West leh Ward IV aiawh Ramhlun South te an inkhel dawn a, Ward VIII leh Ward XV aiawh Bungkawn te an inkhel dawn. Ward XVI an tel loh avangin AMC team an inlan dawn a, zanin dar 7:30-ah Ward X aiawh Zonuam an hmachhawn ang.

Team 19 an tel avangin team paruk hian first round an khel dawn a, team dang 13-in last 16 an lut tawh. Inelna hi knockout a ni dawn a, vawiina chakte hian last 16 an lut dawn.