South Africa an chak vek

T20 Cricket World Cup-ah South Africa-in group stage-ah khingpui hneh vekin Super 8 an lut. Proteas hian nimin khan Arun Jaitley Stadium, Delhi-ah UAE an hmachhawn a, wicket rukin an chak.

Ṭhumvawrah South Africa an vannei a, vawm hmasak an thlang. UAE-in over 20-ah 122/6 runs chauh an siam a, Corbin Bosch-a'n run 12 chauh pein wicket thum a la.

Proteas tan target harsa a ni lo a, Aiden Markram (28) leh Quiton de Kock (14) ten duhthusama ṭhain bul ṭan lo mah se Ryan Rickelton (30) leh Dewald Brevis (36) ten run 30 an vawi tling ve ve a, over 13.2-na lekah 123/4 runs siamin hnehna an chang.