Futsal League final-ah FC Thyristor Vs C. Lalmuana Memorial FC

Zanin dar 7:30 hian MFA Futsal League final-ah FC Thyristor leh C. Lalmuana Memorial FC te R. Dengṭhuama Stadium-ah an inkhel dawn. Nomawi inchuhna inkhel hi BR Studio YouTube channel-ah a en theih ang.

C. Lalmuana Memorial FC hian final lut turin champion lai Tlangnuam FC an hneh a, goal kua luhna inkhelah 5-4 in an vannei zawk. Champion turin India aiawha goal khung tawh David Laltlansaga (Avida) bakah Lalremtluanga (Marema) leh captain Siambawiha te an pawimawh dawn.

Kum 2023 champion Thyristor-in Tuikual North club Go FC 7-2 in an sawp. Ramhlun Venglai club hian an veng tlangval Lalawmpuia captain-na hnuaiah an khel a, Peter Lalrinhlua leh K. Roluahpuia (K. Mama) te an kawl avangin champion thei turin an ṭha tawk.