Farhan-a'n Pakistan Super 8 a hruai thleng

T20 Cricket World Cup-ah Pakistan-in Nilaini khan Sahibzada Farhan-a century siam zarah Namibia 102 runs-in an sawp a, Super 8 khel turin an tling. Shaheens hi group 2-ah England, New Zealand leh Sri Lanka te nen an awm ho a, India nen semifinal emaw final-ah emaw inhmachhawn leh theih dan a awm.

Colombo-a inkhelah Pakistan-in vuak hmasak an thlang a, opener Farhan-a'n thi loin ball 58 lekah 100 runs a siam. Captain Salman Ali Agha (38) leh Shadab Khan (36*) te rawn che ṭha bawkin 199/3 runs an siam.

Namibia tan target a sang mah mah a, over 17.3-ah 97 runs siamin an thi fai vek. Usman Tariq-a'n 16 runs chauh pein wicket li a la a, Shadab Khan-a'n wicket thum (19/3) a la bawk. Shaheens hian Super 8 match hmasa berah New Zealand an hmachhawn ang.