A vawi thum nan Abhishek a 'duck'

T20 Cricket World Cup ṭan hmaa India hmachhuan ber Abhishek Sharma-a'n lei rem a la rap thei lo a, Nilaini zana Netherlands nen an inhmachhawn ṭumin run siam loin pavillion-ah a kir. T20 batting ranking-a pakhatna Abhishek hian United States leh Pakistan lakah a duck out tawh bawk a, match thum a inlan tawhah run a la siam lo vek.

Abhishek-a'n beisei pha lo mah se champion tura rinkai India-in Ahmedabad-ah hnehna an chang tho a, 17 runs-a Netherlands hnehin group stage-ah an khingpui an hneh vek. India tan Shivam Dube-a'n 66 runs siamin 193/6 runs an siam a, Netherlands lamin chakpui tham runs siam lo mah se 176/7 runs an tlin pha.

Men in Blue hi cricket ram langsar ni pha lo lakah 17 runs chauhin an chak a, champion turin insiamṭhat an mamawh. Suryakumar Yadav-a hoten February 22, Pathianni hian Super 8-a an match hmasa berah South Africa an hmachhawn ang.