Tlai dar 5-ah Futsal Divison One Final

MFA Futsal Divison One Season Opening Tournament final chu vawiin tlai dar 5:00 hian R. Dengṭhuama Stadium-ah Ramhlun Vengthar SC leh Aizawl Venglai club Vakiria FC ten an khel dawn. Inkhel hi BR Studio YouTube channel-ah a en theih ang.

Vakiria FC hian final lut turin Zuangtui club Reuben FC 4-1 in an hneh a, Lalhruaizela Sailo-in goal hmahruai a khung bakah Vanlalrinchhana'n hattrick a siam. Ramhlun Vengtharin Zomuanpuia hattrick hmangin Ainawn 6-2 in an sawp ve bawk.