Dinhmun chiang lo Dembele

French champion Paris Saint Germain thiampuipa Ousmane Dembele chu match hnuhnung bera lakchhuah a nih hnuah, a hliam a na lo niin khawthlang chanchinbu ṭhenkhatin an tarlang.

Dembele hi Thawhlehni zan UCL-a Monaco nen an inkhelh ṭumin hliam vangin lakchhuah a ni a, minute 27-na lekah Desire Doue-a'n a thlak. Dembele hliam hi hriatchian theih ni lo mah se a tihrawl niin a lang a, Monaco nen an intum hma hian Dembele hi a hliam a dam chauh.

PSG hian zanin dar 1:35-ah Metz an mikhual dawn a, Dembele a inkhelh dawn leh dawn loh a chiang lo. PSG hi kar hmasaah Rennes an hneh loh avangin RC Lens-in an lehpel a, point khatin an inthlau mek. Lens hi zanin dar 9:30-ah Monaco nen an inhmachhawn dawn a, an result hre reng chungin PSG an inkhel dawn a, champion nawn an tum a nih chuan an chetsual a thiang tawh lo.