8th Classic Powerlifting C'ship a hlawhtling

Mizoram Powerlifting Association (MPA) buatsaih 8th Mizoram Classic Powerlifting Championship chu February 20-21, 2026 chhhung khan hlawhtling takin Mizoram Powerlifting Hall, Republic Vengthlangah neih a ni.

Inelnaah hian mipa 27 leh hmeichhia pathum an tel a, category tina che ṭha zual hian March 21-25, 2026 chhung hian National Senior Championship-ah Mizoram ai an awh dawn. National C'ship hi Bangalore, Karnataka-ah neih a ni ang.

Best lifter-ah Abraham Lalṭhafamkima thlan a ni a, hmeichhe lamah Mina chakma thlan a ni thung. Mizoram aiawh tura thlante chu David RK Lalnunmawia (59 kg), Robert Lalrinawma (66kg), Lalthangmawia (74 kg), Abraham Lalthakima (93 kg), Jeremy Lallawmzuala (105 kg), David Lallawmkima (120kg) leh Lalhriatrenga (120kg+) te an ni.